Film laburren III. lehiaketa, oinarriak

Bergarako Udaleko Kultura sailetik, ikus-entzunezkoen lehiaketa antolatu da, oinarriak ondorengoak dira:

Bergaran edo inguruko herrietan (Deba Goienan) bizi den edozeinek aurkez ditzake lanak.

Lanak, bakarka zein taldeka aurkeztu ahal izango dira.
Lanak edozein hizkuntzatan aurkeztu ahal izango dira.
Epaimahaiaren erabakia eta sari banaketa azaroaren 28an (ostirala) izango dira Zabalotegi aretoan.

Gaia librea da. Film laburra, abesti baten bideo-klipa, iragarkia, irudi muntaia, esketxa, dokumentala, arte bideoa...

Lan bakoitza lan hori bakarrik edukiko duen oinarri batean aurkeztuko da, DVD (Pal) formatuan. Lanak babesteko, estutxe batean aurkeztuko dira; bertan, lanaren izenburua, iraupena eta produkzio urtea jarriko dira.

DVD hori emateaz gain, bakoitzak sobre batean ondorengoak aurkeztuko ditu:
- Azalean: lanaren izenburua, iraupena eta produkzio urtea.
- Barruan:
Autore edo autoreen izen - abizenak, lanaren izenburua, helbidea, herria, telefonoa eta NA zenbakia.
Lanaren dokumentazioa: fitxa teknikoa eta sinopsia (lanaren deskripzio laburra).
Bergarako Udala aurkeztutako lan guztiekin geratuko da eta ondorengo urteetan antola ditzakeen film laburren ekitaldietan proiektatzeko eskubidea izango du.
Lana edozein hizkuntzatan aurkeztu ahal izango da. Gaztelania edo euskara ez den hizkuntza batean egina badago, azpitituluak izan beharko ditu. Bestela, bi hizkuntza horietako batean idatzita azaldu beharko da paperean.
Lanak taldeka aurkezten direnean, eta talde horren erdia edo gehiago bergararra bada; autoreek, "Bergarako lan onenari" saria eskuratzeko eskubidea izango dute.
Aurreko ekitaldian aurkeztutako lanak ezin izango dira berriz aurkeztu.
Lanak 30 minututik beherakoak izan beharko dute.

Lanak, Bergarako Kultur Etxean entregatu beharko dira (943 77 91 60) 13:00ak baino lehen. Informazio gehiago: www.bergara.net

Bergarako Kultur Etxea Errotalde jauregia. Santa Ana parkea 20.570 Bergara (Gipuzkoa)

Epaimahaia nortzuk osatzen duten sari banaketa egunean jakinaraziko da, ordura arte, hauen izen-abizenak anonimatuan gordeko dira.

Sariak honakoak izango dira:
1 saria: 400 euro
2 saria: 300 euro
Lehenengo sari bietan bergararrik egon ezean, 150 euroko "Bergarar onenari saria" bananduko da.
Antolatzaileek egoki ikusten badute, saria/k hutsik geldituko da/dira.
Saria errealizadore edo zuzendariari emango zaio.

Lehiaketan parte hartzeak, oinarri hauek onartzea dakar. Bertan jasotzen ez den guztiaren inguruan antolatzaileek izango dute erabaki ahalmena.

Enara Minguez, Kultura Batzordeburua