EBPN 2003-2007 plan estrategikoko proiektu nagusiak
Dozenaka dira Bergaran Euskara Biziberritzeko Plan Nagusiaren barruan esparruz esparru 2003-2007 eperako aurreikusitako egitasmoak. Hona hemen, 17 esparrutan banatuta, egitasmo nagusien azalpena. Plan estrategikoko ekintza guztien azalpena hemen ikus liteke (pdf formatua, 714kb)
0. Planifikazio eta ebaluazio orokorra
1.b. Euskalduntze-alfabetatzea
2.c. Informazioaren eta komunikazioaren teknologia berriak
3.a. Corpus-plangintza eta euskararen kalitatea
5. Elkarte orokorrentzako laguntzak
0. Planifikazio eta ebaluazio orokorra
Planaren kudeaketarekin lotutako ekintzak:
- Urteko gestio plana eta aurrekontua egitea,
- Esparru bakoitzeko jarraipenerako adierazleak finkatu eta jasotzea
- Aholku batzordearen eta azpitaldeen funtzionamendua bideratzea
- EBPN gizarteratzeko komunikazio plana.
Irakaskuntzako lana koordinatzeko batzorde bat osatua dago, hilean behin elkartzen dena. Bertatik koordinatzen dira esparruko ekintza nagusiak:
- Gehixago eta hobeto programa. Bertako euskara lantzeko unitate didaktikoak eta hauen osagarriak: eskolan lantzekoak, gurasoei bidaltzekoak, Apatxi...
- Eskola orduetatik kanpoko euskara errefortzuak, euskara maila apala duten umeentzakoak. Hemen
- DBH-4ko ikasleentzako motibazio-saioak eta DBH-2koendako "lagunarteko hizkera saioak".
- Gurasoentzako ikastaroak: umeentzako jolas, kanta eta ipuin kontaketa ikastaroa eta bertako euskara lantzekoa.
- Udal idatziak euskaraz jasotzeko gonbitak Udalarekin harremanak euskaraz izateko eskaria (pdf formatua, 139kb) eta liburuxkak (Udalarekin Euskaraz eta Idatziak ).
Horretaz aparte, irakaskuntza ez arautuari (Akademia eta abarri) bideratuta, euskara sustatzeko hitzarmena bideratu nahi da.
1.b. Euskalduntze-alfabetatzea
Herriko euskaltegiek egiten duten lana osatzea da EBPNk arlo honetan duen helburua. Euskalduntze-alfabetatzeko lana koordinatzeko azpibatzordea osatuta dago eta bertatik bideratzen diren ekintza nagusiak:
- Matrikulazioa bultzatzeko kanpainak.
- Berriketan proiektua, euskaldunberriei euskaraz berba egiteko aukerak zabaltzeko.
Esparruko beste ekintza batzuk:
- Udal Euskaltegitik kanpo ikasten dutenentzako dirulaguntzak: barru-ikastaroak...
- Etorkin helduentzako euskara ikastaroak: Aisa programa
- Egonaldiak familia euskaldunetan programa.
Ekintza nagusiak:
- Gurasoentzako ikastaroak: umeentzako kantu, jolas eta ipuinak; bertako euskara...
- Gurasoak sentiberatzeko ekintzak: ume jaio berrien gurasoentzako materialak
- Haurtzaindegietan euskara sustatzeko hitzarmena...
Ekintza nagusiak:
- Langileen hizkuntza prestakuntza: euskalduntze-alfabetatze ikastaroak, lanerako trebakuntza...
- Hizkuntza kalitatea hobetzeko materialak: idatzi-ereduak, kontsulta materialak
- Herritarrek eta entitateek Udalarekin euskaraz egin dezaten sustatzea.
- Kontratazio, dirulaguntza eta abarretarako hizkuntza irizpideak finkatzea...
- Udalaz kanpoko administrazio-guneetan euskara sustatzeko ekimenak: epaitegia, Zaharren Egoitza, Osasun-etxea...
2.c. Informazioaren eta komunikazioaren teknologia berriak
Esparruko lanaren gaineko aholkularitza emateko azpibatzordea osatuta dago. Ekintza nagusiak:
- Udal webgunea euskararen aldetik egoki elikatzea eta erabilera egokia bermatzea.
- Bergarako euskararen ondarea digitalizatu eta zabaltzea: hiztegia, bertako euskararen fonoteka, toponimia...Udal zentroetan eta entitate publikoetan teknologia berrietan oinarritutako euskarazko produktu eta zerbitzuak eskaini.
- Euskarazko produktuen zabalkundea egiteko elkarlana bideratu bailarako beste udalekin batera.
- Herriko entitateentzako dirulaguntzak, beren webguneak euskaraz sor ditzaten.
Bi azpiesparru bereizi dira esparru honetan:
Merkataritza
Ekintza nagusiak:
- Zerbitzu eta produktu eskaintza: hizkuntza paisaiako materialak (eskaparateetako kartelak, produktuen txarteltxoak...) dendariei eskaintzea.
- Denda berrientzako informazioa eta aholkularitza.
- Dirulaguntzak: errotuluak, irudi korporatiboa eta webguneak euskaratzeko.
Industria
Esparruko eragileen lana koordinatzeko azpibatzordea dago eratuta. Ekintza nagusiak:
- Enpresetan euskara planak abian jartzeko sustatze-kanpaina.
- Planak abian dituzten enpresentzako dirulaguntzak
- Esparruko euskara elkarteentzako laguntzak: Euskalan
Esparru honetako ekimen gehienak (ludoteka, udaleku irekiak, Gabonetako parkea, tailer eta ikastaroak...) beste udal zerbitzu batzuetatik bideratzen dira. Horiez gain, honakoak dira esparrurako aurreikusitako ekintza nagusiak:
- Esparruko elkarte eta taldeetan euskara sustatzeko hitzarmena bideratzea.
- Begiraleen hizkuntza kalitatea eta formazio pedagogikoa hobetzeko ikastaroak
- Elkarte gastronomikoetako diru-kontuak eramateko aplikazioak euskaratzeko dirulaguntzak.
Esparruko ekimen nagusiak:
- Kirola Euskaraz programa, honako arlo nagusiok dituena: entrenatzaileen formazioa; entrenatzaileentzako euskarazko materialak; kirolari, guraso eta abarren sentiberatzea.
- Kirol talde eta elkarteetan euskara sustatzeko hitzarmena
Esparruko ekimen nagusiak:
- Erlijio arloko talde eta entitateetan euskara sustatzeko hitzarmena.
3.a. Corpus-plangintza eta euskararen kalitatea
Lau azpiesparrutan banatzen dira esparru honetako ekintzak:
- Bergarako euskara jaso eta zabaltzea: Bergara aldeko hiztegia, Langintza zaharren gaineko monografiak, bertako euskararen fonoteka...
- Herriko toponimia normatibizatu eta zabaltzea
- Gehixago eta Hobeto programa, ahozko euskara hobetzea helburu duena: ikastetxeetarako unitate didaktikoak, Apatxi aldizkaritxoa,
- Esparruko taldeentzako dirulaguntzak: Badihardugu.
Ekimen nagusiak:
- Eskualde edo herri mailako euskarazko komunikabideentzako laguntzak
- Haur eta gazteen artean euskarazko aldizkarien irakurketa sustatzea
- Euskarazko hedabideak (GOITB...) herrian egoki hartzeko beharrezko inbertsioak egitea.
- Nazio mailako hedabideentzako dirulaguntzak
Ekimen nagusiak:
- Koldo Eleizalde lehiaketak.
- Udal liburutegiaren eta Euskara Zerbitzuaren artean programazioa koordinatu.
Ekimen nagusiak:
- Publizitatea euskaraz egiteko laguntza teknikoa eskaini herriko entitateei: zuzenketa, itzulpena...
- Postontzietako publizitatearen jarraipena eta arlo horretan euskara sustatzeko sentiberatze ekimenak
Esparru honetako ekimen gehienak (hitzaldiak, ikastaroak, jaialdiak, erakusketak... ) beste udal zerbitzu batzuetatik bideratzen dira.
Horiez gain, honakoak dira esparrurako aurreikusitako ekintza nagusiak:
- Esparruko elkarte eta taldeetan euskara sustatzeko hitzarmena bideratzea.
- Esparruko entitateentzako dirulaguntzak emateko hizkuntza irizpideak finkatzea.
Ekimen nagusiak:
- Udal barruko funtzionamendua euskaraz eta behar bezalako hizkuntza kalitatez izan dadin beharrezko laguntza eskaintzea.
- Herriko entitateek, bereziki zabalkunde handiko idatzietan dituzten zuzenketa eta itzulpen premiei erantzutea.
5. Elkarte orokorrentzako laguntzak
Jardun-eremu zabala duten herriko edo herriz kanpoko elkarteei dirulaguntzak ematea:
- Jardun euskara elkartearen lana laguntzeko hitzarmena.
- Berba (Bergarako Euskaltzaleen Bilgunea) elkartearentzako dirulaguntzak emateko hitzarmena.
- Kontseiluaren jarduna diruz laguntzeko hitzarmena.