• Antolaketa politikoa
• Antolaketa zerbitzuka
• Azpiegiturak
• Proiektuak
• Gai fiskalak
• 2008ko aurrekontu bateratua
• Kontratatzailearen profila
• Deialdiak
  • Udal lan eskaintzak
  • Ikastaroak eta lehiaketak
  • Bekak eta dirulaguntzak
• Argitalpenak

2004ko edizioa

2004 Koldo Eleizalde Literatura Lehiaketa, XIX. Edizioa

Aurtengo oinarriak.

Partehartzaile kopurua.

Aurtengo saridunak

Epaimahaiko kideak

Oinarriak

1-. Partehartzaileak: Lehiaketa honetan Bergaran jaio, bizi edo lan egiten duen edozeinek har dezake parte bakarka zein taldeka. Pertsona berak, bakarka, bi generotan parte hartu ahal izango du, gehienez ere.

2-. Lan berriak: Lan guztiak orijinalak eta inoiz saritu, argitaratu edo emititu gabeak izan beharko dute.

3-. Generoak, adin-taldeak, lanen luzera, sariak: Honako hauek izango dira:

• 3.1. Ipuina

Gaia: librea.
Bost talde izango dira jaioturtearen arabera eta lanen luzera eta sariak hauek izango dira:

Laugarren eta 5. taldeko lanak tarte bikoitzez makinaz idatzita aurkeztu beharko dira. Egile bakoitzak lan bakarra aurkeztu ahal izango du.

• 3.2.- Bertsoak

Gaia, neurria, doinua: libreak.
Hiru talde izango dira jaioturtearen arabera eta bertso-kopurua eta sariak hauek izango dira:

Bertsoak paperean eta zinta edo CDren batean kantatuta aurkeztu beharko dira. Egile bakoitzak lan bakarra aurkeztu ahal izango du.

• 3.3.- Komiki-tira.

Gaia: librea.
Hiru talde izango dira jaioturtearen arabera eta sariak hauek izango dira:

Tiraren tamaina: 29 x 10 cm-ko tirak izan beharko dira, nahi adina biñetatan banatuta.
Egile bakoitzak 3 tira aurkeztu ahal izango ditu gehienez ere.

• 3.4.- Ipuin-kontaketa edo antzerkia.

Gaia: librea.
Genero honetan taldeek hartuko dute parte. Hiru multzo izango dira partehartzaileen jaioturtearen arabera:

Lanak bideo-zintan grabatuta aurkeztu beharko dira eta talde bakoitzak lan bakarra aurkeztu ahal izango du. Aukeratutako lanik onenak GOITBk grabatu eta emitituko ditu.

4.- Lanak aurkezteko modua.

Lanak kartazal handi batean bidali edo entregatu beharko dira Bergarako Udaleko Euskara Zerbitzuan. Kartazalaren kanpoko aldean honako hauek idatziko dira:

• "Koldo Eleizalde Literatura Lehiaketak" izenburua.
• Lanaren generoa: ipuina, bertsoa...
• Taldea: 1. taldea, 2. taldea...

Kartazal handian, berriz, honako hauek sartuko dira:

• a) Lanaren (idazlanaren, komikiaren, bideoaren...) bi kopia. Lanean bertan ez da egilearen izenik jarriko; horren ordez goitizen bat jarriko da.
• b) Beste sobre txiki bat, kanpoan egilearen izengoitia eramango duena eta barruan orri honen honetan dagoen "Egilearen datuak" atala, beteta.

5.- Lanak aurkezteko epea eta sari-ematea.

Lanak bidaltzeko edo entregatzeko epea apirilaren 21ean bukatuko da eta sariak ekainaren 5ean, larunbata, emango dira Bergarako Zabalotegi aretoan, eguerdiko hamabietan.

6.- Partehartzea saritzea.

Partehartzaile guztien artean euskarazko aldizkari batzuen harpidetzak zozkatuko dira.

7.- Saritutako lanak epaimahaiaren eskutan geldituko dira eta beste guztiak ekainaren 30era arteko epean jaso ahal izango dituzte egileek.

8.- Epaimahaia.

Epaimahaia Bergarako Udaleko Euskara Zerbitzuak aukeratutako pertsonek osatuko dute.

9.- Epaimahaiaren iritziz, talderen batean aurkeztutako lanek, gutxieneko mailarik ez balute, sariak beste taldeetakoei gehituko litzaizkieke, edota hurrengo lehiaketarako gorde.

Babeslea: Kutxa
Laguntzaileak: Gipuzkoako Foru Aldundia, Goiena Komunikazio Zerbitzuak

Partehartzaileak:

Aurten 382 lan aurkeztu dira

• Ipuin idatziak. 347 lan: lehenengo taldean 104 aurkeztu dira, bigarrenean 85, laugarrenean 53, bosgarrenean 18.
• Bertsoak. 14 bertso sorta: 11 lehenengo taldean, 2 bigarren taldean eta 1 hirugarren taldean.
• Ipuin kontaketa/antzerkia. 5 lan: 3 antzerki (1 lehenengo taldean eta 2 bigarren taldean) eta bi ipuin kontaketa (lehenengo taldean).
• Komikiak. 16 komiki. 15 lehenengo taldean eta 1 hirugarren taldean.

Irabazleak

Ipuina

1. Taldea (1996-97 bitartekoetan):

• 1. Saria: "Herensugea eta printzesa". Asier Sanpietro.
• 2. Saria: "Dinosaurio txikia". Beñat Renner.
• 3. Saria: "Lorea eta zaldia. Olatz Alberdi.

2. Taldea (1994-95 bitartekoetan):

• 1. Saria: "Usain txarreko bota". Jone Eguren.
• 2. Saria: "Gaztarik jaten ez zuen xagutxoa". Ainhoa Etxeberria.
• 3. Saria: "Oporretako abenturak". Andoni Dukun.

3. Taldea (1992-93an jaiotakoen artean):

• 1. Saria: "Bera eta ni, gu". Ane Barragan.
• 2. Saria: "Itsasoan galduta". Amaia Santamaria.
• 3. Saria: "Paula eta patata koloretsua". Amaia Begiristain.

4. Taldea (1989-91 bitartekoetan):

• 1. Saria: "Zel, pertsona bitxia". Pedro Estevez.
• 2. Saria: "Begia, begi truk". Andoni Garcia.
• 3. Saria: "Aitonaren gaztaroa". Aitziber Izagirre.

5. Taldea (1988an edo aurretik jaiotakoen artean)

• 1. saria: "Su bortako Aldama". Oier Bolibar.
• 2. saria: "Hesi artetik". Maddi Iñarra.
• 3. saria: "Mila hirurehun eta hirurogeita lau amodiozko hitz, zuretzat". Amaia Amasorrain.

Komikiak

1. Taldea (1992-93an jaioak)

• 1. saria: "P.F. Ikastolan". Asier Lazpiur eta Josu Irizar.
• 2. saria: "Baserrian bizi". Ander Barruso.

Bigarren taldean ez da partaidetzarik izan eta 3.ean saria eman gabe utzi da.

Bertsoak

1. Taldea (1992-93 bitartekoetan)

• 1. saria: "Bizitza". Maitane Arteaga, Mireia Larrañaga eta Marina Iturriaga.
• 2. saria: "Natura". Elene Etxeniz.

2. Taldea (1989-91 bitartekoetan)

• 1. saria: "Euskadi eta euskara". Irati Alberdi.

3. Taldea (1988an edo aurretik jaiotakoetan)

• Akzesita: "Iburreta-Soroa". Julen Alberdi.

Ipuin kontaketa/antzerkia sailean:

1. Taldea (1998 edo ondoren jaioak):

Saridunak (1. eta 2. sariak bereizi gabe):

• "Aladar eta Neera".
• "Beltzuntzeko oihana". San Martin ikastetxeko ikasleak.

2. Taldea (1992-97 jaioak):

Saridunak (1. eta 2. sariak bereizi gabe):

• "Rich familiaren irteera". Mariaren Lagundia ikastolako ikasle taldea.
• "Azterketak". San Martin ikastetxeko ikasle taldea.

Epaimahaiko kideak

• Juan Martin Elexpuru.

• Miguel Angel Elkoroberrezibar.
• Esteban Antxustegi.
• Udaleko Euskara Zerbitzuko teknikariak.