Agorrosinerako bi garbitzile kontratatu eta bertako garbitzaileen lanpoltsa osatzeko deialdia arautuko duten oinarriak
Jaitsi hemen eskaera orria (59kb, pdf formatua)
Agorrosingo bi garbitzaileen deialdiaren azterketa urtarrilaren 3an, osteguna, goizeko 09:00etan.
6.- Epaimahai Kalifikatzailea.
8.- Gaitasunaren fasea garatzeko era.
9.- Epaimahaiaren proposamena.
13.- Prozesuaren argitalpenak.
Deialdi honen helburua da Agorrosinerako bi garbitzaile kontratatzea % 87eko dedikazioarekin eta bertako garbitzaileen lanpoltsa osatzea.
Hasieran kontratatuko direnen Kontratuaren iraupena Agorrosingo garbitzaileen lanpostuak behin betirako bete artekoa izango da (estimazioa da 2008ko ekainera arte).
Lanpostua sailkapeneko E taldekoa da eta 5. mailari dagokion soldata-maila du, %87ko koefizientea aplikatuko zaiolarik. Halaber 1. Hizkuntza eskakizuna du, ez derrigorrezkoa.
Lan egunak eta ordutegia udalak finkatutakoak izango dira beti ere lanpostuaren izaera eta zerbitzuaren premien araberakoak. Gauez egingo da lan ordutegi estimatua honako hau izanik: 21:30etatik 03:00etara. Ordutegia kirol zerbitzuak aldatu ahal izango du lanaren antolaketaren arrazoiagatik.
Agorrosingo kirol instalazioak garbitu bertako arduradunak emanadako erizpideei jarraituz.
Onartua izateko eta, hala badagokio, neurketan parte hartzeko, ondorengo baldintzak bete behar dituzte hautagaiek:
a) 16 urte beteta izatea.
b) Kontratuko den zerbitzuaren berezko eginkizunetan aritzea galaraziko duen taxa fisiko, psikiko edo bestelakorik ez izatea.
c) Ezgaitasun edo bateraezintasun kausatan sarturik ez egotea.
d) Disziplinazko espedientearen bitartez edozein Administrazio Publikoaren zerbitzutik bereizia ez izana, eta eginkizun publikoetan iharduteko ezgaitua ez egotea.
e) Europar Batasuneko kide diren estatutuetako baten herritartasuna izatea edo, Europar Batasunak egindako eta Espainiako Estatuak berretsitako Nazioarteko Itunei jarraiki, langileen zirkulazio askea aplikatzen zaion estaturen bateko herritarra izatea. Parte hartu ahal izango du, baita ere, Europar Batasuneko kide diren estatuetako herritarren ezkontideak, beti ere zuzenbideko banaketarik gabekoak badira; baita ere bere ondorengoak eta bere ezkontidearenak, baldin eta zuzenbideko banaketarik gabekoak badira, eta ondorengo horiek hogeita bat (21) urte baino gutxiagokoak badira, eta adin horretatik gorakoak, baina bere pentzuan bizi direnak.
Era berean, parte hartu ahal izango dute Espainiako estatuan bizi eta aurreko paragrafoetan sartu gabe daude atzerritarrek. Hauek aukeratuak izango balira, kontratuaren objektu den jarduera burutzeko administrazioaren baimena dutela frogatu beharko dute, aipatutako kontratua egin baino lehen.
3. oinarrian jasotako baldintza guztiak betetzen dituztela adierazi beharko dute lehiaketa-oposizioan parte hartzeko aurkezten den eskabidean. Halaber, nortasun agiriaren fotokopia eta alegaturiko merezimenduen egiaztagiriak erantsiko zaizkio. Instantzia horiek Alkate-Udalburuari zuzenduko zaizkio eta Udaletxeko Erregistro Nagusian aurkeztuko dira, edo Administrazio Publikoen Erregimen Juridikoa eta Prozedura Administratibo Bateratuaren Legeko 38.4 artikuluan xedatutako moduan, 2008ko urtarrilaren 2ko 11:00ak arteko epean.
Udaleko Lehendakaritzak onartutako eta baztertutako izangaien behin-behineko zerrenda onartuko du eta Udaletxe honetako iragarki taulan argitaratuko da 2008ko urtarrilaren 2a 12:30etan.
Epaimahaiak egokien irizten dion moduan emango du ondorengo ariketen berri. Egitezko akatsak edozein unetan zuzendu ahal izango dira ofizioz edo interesatuaren eskariz.
Epaimahai kalifikatzailea honela osatuko da:
Mahaiburua: Alkateak izendatzen duena.
Mahaikideak:
-. Obra eta Zerbitzuburua.
-. Obra eta zerbitzuburuaren laguntzailea.
-. Udaleko kirol teknikaria.
-. Udaleko idazkaria.
Idazkaria: Udalekoa edo berak delegatzen duen funtzionaria.
Aginte deitzaileak edo berak delegatzen duen pertsonak izendatuko ditu epaimahaiko kideak eta haien izendapena Udaletxeko Iragarki taulan argitaratuko da.
Egoki iritzitako probetan Epaimahaiak dagokion gaian adituak diren aholkularien lankidetza eska dezake.
Izangaiak hautatzeko prozedurak hurrengo aldiak izango ditu:
a) Oposizioaldia
b) Lehiaketaldia
Ariketa bakoitzerako deialdi bakarra egingo da. Epaimahaiak ariketak egiteko jarritako egunean, lekuan eta orduan agertzen ez diren izangaiak -baita ezinbesteko arrazoiengatik bada ere- hautaprozesutik kanpo geratuko dira erabat.
OPOSIZIOALDIA:
Ondoren aipatzen den ariketa bakarrak osatuko du: Ariketa: Derrigorrezkoa eta baztertzailea, eraikuntzen garbitzaile lanpostuak dituen jardunekin zerikusia duen(ten) froga(k) praktikoa(k) egingo dute (dituzte) izangaiek. 40 punturarte baloratuko da,eta lehiaketaldira pasatzeko gutxienez 15 puntu lortu behar dira.
LEHIAKETALDIA
Euskara jakitea baloratuko da:
- 1 Hizkuntz eskakizunari dagokion euskara maila dutenei 4 puntu emango zaie. Aipatutako euskara maila dutela egiaztatzeko dagokion azterketa egingo zaie izangaiei.
Honako hauek dira azterketa egitetik salbuesten duten agiriak:
1. HAEEk luzatutako ziurtagiriak non adierazten duen 1. hizkuntza eskakizuna edo altuagoa ziurtatuta dutela.
2. EGA eta baliokideak diren egiaztagiri zein diplomak.
3. Hezkuntza-sistemako HE1 eta HE2
4. Hizkuntza Eskola Ofizialeko euskarako 4. maila gainditua.
Aipatutako agirien kopia egiaztatuak aurkeztu beharko dira eskaera orriarekin batera.
8.- GAITASUNAREN FASEA GARATZEKO ERA
Epaimahaiak ariketak egiteko deialdian jarritako egunean, lekuan eta orduan agertzen ez diren izangaiak, baita ezinbesteko arrazoiengatik bada ere, hautapen prozesutik kanpo geratuko dira erabat.
Gainditu beharreko ariketa bakoitza burutu ondoren, Epaimahaiaren erabakiz, iragarki taulan emango da argitara ariketa gainditu duten izangaien zerrenda.
Izangai bakoitzak bi faseetan lortu dituen puntuak batuta aterako da haren azken kalifikazioa, eta batura horrek erabakiko du izangaien lehentasun hurrenkera.
Puntuazio altuena lortu duten bi lehenak kontratatzearen aldeko proposamena egingo du epaimahaiak Puntuetan berdintasuna gertatuz gero, ondoko irizpide hauen arabera ebatziko da, jarrita dauden hurrenkeran:
a) Proba praktikoetan puntu-kopururik handiena ateratzea.
b) Epaimahaiak erabakitzen duen irizpidea.
Ariketak balioztatu ondoren, Epaimahaiak iragarki taulan agerian jarriko ditu neurketa gainditu duten izangaien izenak, lortu dituzten puntuen araberako hurrenkeran antolatuak: puntu gehienekotik gutxienekora.
Epaimahaiaren iritziz deialdira aurkeztutako izangaien artean ez badago lanpostua betetzeko gutxienezko baldintzak betetzen dituenik, deialdia bete gabe aldarrika dezake.
Epaimahaiak ezingo du, inolaz ere, deialdiko lanpostuak baino izangai gehiago proposatu.
Epaimahaiak Bergarako Udaleko organo eskudunari igorriko dio akta, behar diren kontratazioak egin ditzan.
Organo eskudunak Epaimahaiak proposaturiko izangaiei behin behineko kontratua egingo die lehen oinarrian adierazitako baldintzekin.
Frogaldiak bi hilabeteko iraupena izango du.
Epe hori amaitu aurretik, dagokion arduradunak probaldian diharduen langileari buruzko txostena egingo du, eta erakutsi dituen gaitasun hauek hartuko ditu kontuan txosten horretan: lanerako ahalmena eta errendimendu profesionala, erantzukizunaren eta eraginkortasunaren zentzua, lanerako prestasuna eta ekimena, eta lanarekiko interesa.
Izangaiak frogaldia gainditzen ez badu kontratua bertan behera lagako da, eskubide guztiak galdu egingo dituelarik.
Plazak ez eskuratu baina oposizioa gainditzen duten hautagaiekin Agorrosingo garbitzaileen aldi baterako premiei erantzuteko lan-poltsa osatuko da. Lan-poltsa hau gaur egun indarrean dagoenaren osagarri izango da ere eta Agorrosingo premiei erantzuteko denetan ezik, indarrean dagoenean daudenak lehentasuna izango dute beti ere kontratu bati ezezko erantzuna ematea justifikatu badute. Ez badute justifikatu lan-poltsa honetakoak lehentasuna izango dute.
Lan-poltsaren funtzionamendua izango da Udalak 2006ko apirilaren 4an, Alkatearen dekretu bidez onartua duen lan-poltsen erabilerarako barne araudiak jasotzen duena.
Instantziarekin batera aurkeztu den dokumentazioa jasotzeko eskubidea izango dute aurkeztu diren izangaiek, lan-poltsa osatuko dutenek izan ezik.
Hautaketa prozesua bukatu eta 3 hilabeteko epean jasotzen ez den dokumentazioa txikitu eta bota egingo du Udalak.
Prozesu honetan argitaratu beharrekoak (onartuen eta baztertuen zerrenda, oposizioaldiko emaitzak, lehiaketaldiaren emaitzak...) Bergarako Udaleko Web orrian ere argitaratuko dira (www.bergara.net ).
Argitarapen honek osagarri izaera du eta eragin guztietarako balio izango dutenak Udaleko iragarki-taulan argitaratutakoak izango dira.
Datu pertsonalen babeserako araudiari jarraituz, edozein izangai edo partehartzailek izango du bere datuak eskuratu, zuzendu edo ezabatzeko eskubidea, horretarako eskaera aurkeztu beharko du helbide honetara bidalitako idatziaren bitartez: Bergarako Udala, San Martin de Agirre plaza 1, 20570 Bergara.
Epaimahaiak ahalmen osoa izango du sor daitezkeen zalantzak argitzeko eta, oinarri hauetan aurreikusten ez diren gorabeheretan, deialdia ongi bideratzeko behar diren erabakiak hartzeko.
Interesatuek, deialdiaren, bere oinarrien eta deialdiak berak zein Epaimahaiaren jardunak eragin ditzaketen ekintza administratiboen aurka jo dezakete, azaroaren 26ko Administrazio Publikoen Araubide Juridikoaren eta Administrazioko Prozedura Erkidearen 30/1992 Legeak xedatutako kasu eta moduetan.