Oinarriak
Labegaraieta Udal kiroldegiko instalazioei erantsitako tabernaren ustiaketaren kontratua eta instalazio horien kirol esparruen kontrola eta garbiketa adjudikatzeko lehiketa arautuko duten baldintzen plegua, larrialdiko prozedira erabiliaz:
Hemen duzue proposamen eredua (pdf formatuan, 74 KB)
3.- Lizitatzaileak eta behin behineko garantia.
4.- Lizitazioa eta Udalaren betebeharrak.
5.- Adjudikazio-hartzailearen betebeharrak.
6.- Tabernaren eta Kiroldegiaren ordutegia.
10.- Behin betirako bermea eta kontratua.
11.- Arriskua eta gorabeherak.
12.- Baldintza laboral eta sozialak.
15.- Kontratua eteteko arrazoiak.
Larrialdiko prozedura erabiliaz, Labegaraieta Udal Kiroldegiko instalazioei erantsitako tabernaren ustiaketa eta Kiroldegiak berak dituen kirol esparruen kontrola eta garbiketa adjudikatzea da lehiaketa honen xedea,.
Kontratuaren iraupena urte batekoa izango da, urtero luzatu ahal izango delarik, gehienez ere beste bederatzi urtez. Horretarako, bi hilabete aurretik Udalari eskaera egin beharko zaio eta Alkateak edo berak delegatuta eskumena duen organoak aldeko erabakia eman beharko du. Gehienezko iraupen osoa hamar urtekoa izango da.
3.-Lizitatzaileak eta behin behineko garantia
Hala nahi duten pertsona fisiko edo juridiko guztiak aurkeztu ahal izango dira lizitazio librera, baldin eta legez ezartzen diren baldintzak betetzen badituzte eta Administrazio Publikoen Kontratuen Legearen testu Bateratuaren 20. artikuluan zehaztutako debeku arrazoietan ez badaude.
Lizitazioan parte hartzeko, 400 euroko behin behineko fidantza ezartzea derrigorrezko baldintza izango da.
4.-Lizitazioa eta Udalaren betebeharrak
Lizitaziorako gehienezko topea urteko 18.000 ?-koa da (BEZ barne), eta kopuru hori gainditzen duen proposamenik ez da kontuan hartuko.
Kontratua adjudikatu deneko kopurua ordaintzeko konpromisoa hartzen du Udalak, adjudikazio-hartzaileak hartzen dituen betebeharren truke. Kopuru hori (BEZ kanpo) urte hasiera bakoitzean eguneratuko da, luzapenaren aurreko urteko Estatuko KPIaren arabera, Alkateak edo berak delegatuta eskumena duen organoak luzapena egitea erabakiko balu.
Adjudikazio-erabakian onartutako kopurua 12 hilabetetan zatituko da eta hilabete bakoitza pasatakoan ordainduko da, adjudikazio-hartzaileak dagokion faktura aurkeztu eta Kirol Zerbitzuko buruaren oniritziarekin.
Derrigorrezkoa izango da, fakturarekin batera, agiri hauek aurkeztea:
- Langileak izanez gero, horien soldata ordaindu izanaren agiria, TCak eta, horien ondorioz, Gizarte Segurantzan ordainketa egin izanaren agiriak
- Autonomoa izanez gero, Gizarte Segurantzari kuota ordaindu izanaren agiria.
5.- Adjudikazio-hartzailearen betebeharrak
a) Udalak lagatako instalazioak, tresnak eta altzariak egoera onean zaintzea, izendatu zaien erabilerarako erabiliz. Horrela, adjudikazio-hartzailearen aurrean ondasunen inbentarioa egingo da eta emakidak irauten duen bitartean aldatu egin ahal izango da, alde bien adostasunarekin.
b) Tabernari atxikitako elementuek behar dituzten konponketa guztiak bere kontura egitea.
c) Tabernaren jarduerarako behar diren ohiko gastuak, ura, argi indarra, gasa, telefonoa, e.a. ordaintzea .
d) Labegaraieta udal kiroldegiko instalazioei erantsitako taberna ustiatzea eta kiroldegiko instalazio guztiak zaintzea. Horien mantentze-lanez arduratzea eta bertan antolatzen diren ekintzak kontrolatu eta zaintzea (hau da, kiroldegiko lokalak, komunak, harmailak, aldagelak, biltegiak etab.). Halaber, kanpoko instalazioen erabilera (tenis pista, kanpoko erabilera anitzeko pista, skate parkeak barne) eta kiroldegiaren aldameneko eraikinen erabilera (gimnasioaren eta barruko eta kanpoko biltegien) kontrolatu eta zaintzea, beti ere Udaletik finkatutako irizpideei jarraituz..
e) Halaber, kiroldegiaren garbiketa egitea ondorengo baldintzetan:
- Garbitasun zerbitzua eskaintzeko beharrezkoa den materiala bere kontura izango da.
- Garbiketa egunero egingo da, goizeko lehen orduan eta instalazioen erabilerarengatik beharrezkoa den bakoitzean. Gutxienez, beraz, egunean behin egingo da garbiketa; instalazioak erabili baino lehen bukatuta eta erabiltzeko moduan (lehortuta, paper hornigaiekin, xaboi hornigaiekin, etab.) egon beharko da. Asteburu eta jaiegun eguerditan errepikatu egingo da garbiketa baldintza berdinetan.
f) Instalazioetan edozein osagarri, material etab. apurtu dela, gorabeheraren bat izan dela edo instalazioek behar bezala funtziona dezaten beharrezko diren konponketaren beharra antzematen duenean, ahalik eta lasterren jakinarazi behar dio Kiroletako buruari.
g) Instalazioen kontrol-zerbitzuan ondorengo funtzio hauek izango ditu:
- Asteburu eta aste barruan ere, hau da kiroldegia zabalik dagoen guztietan erabilerako orduak banatzea, aldageletako giltzak ematea, kirol materiala banatu eta kontrolatzea eta erabiltzaileei dagozkien tasak kobratzea. Hori guztia, Udaleko Kirol Zerbitzutik jasotako oharpen eta aginduak betez.
- Instalazioen erabilera egokia kontrolatu eta ikuskatzea (harmailak, kantxa, aldagelak, umeen parkea, etab.).
- Kiroldegiaren aldameneko eraikineko (gimnasio eta biltegiak) ateak irekitzea erabiltzaileei eta eremua kontrolatzea.
- Kanpoaldean jarrita dauden edo jarri daitezkeen (tenis pistak, etab.) zerbitzuen erabiltzaileei tasak kobratzea. Zerbitzu horien esplotazioagatik (argia aparte) jasotzen denaren %50 adjudikazio-hartzailearentzat izango da.
- Kontuan izanda bera izango dela diru bilketa egingo duena, zerbitzu horiek ustiatzearren jasotako diruaren %50 sartu beharko du hurrengo hileko lehenengo 5 egunetan, argindarra erabiltzearren kobratutakoarekin eta barruko instalazioak eta gimnasioa erabiltzearren kobratutakoarengatik batera.
h) Kontratua amaitzen denean, instalazioak eta materiala hartutako moduan itzultzea.
i) Publikoaren eta bere agindupeko langileen portaera ona zaintzea eta erabiltzaileei zerbitzu ona eskaintzea.
j) Kontratu honen ondoriozko eskubide eta betebeharrak ezin izango ditu inola ere hirugarren batzuei zeditu, Udalaren baimen idatzirik gabe.
k) Burutu behar duen jarduerarekin lotuta indarrean dauden betebehar legalak betetzea.
l) Zerbitzua ematean hirugarrenei eragindako kalteez erantzutea. Gutxienez 300 mila euroko kapitala duen Erantzukizun Zibileko aseguru poliza kontratatzea, kontratu honen xede diren zerbitzuak (kontrola, taberna ...edo garbiketa) eskaintzetik sortutako erantzukizuna estaltzeko. Bergarako Udalak eta bere instalazioak ere hirugarrenaren kontsiderazioa izango du klausula honetan jasotako eraginetarako.
m) Adjudikazio-hartzaileak tabernan egin nahi lukeen edozein hobekuntza-obrak Udalaren oniritzia etab. jaso beharko ditu eta bere kontura egin beharko ditu, nahiz eta kontratua amaitutakoan Udalarentzat izan, inolako kalte ordainik jasotzeko eskubiderik gabe.
n) Burutzen duen jarduerari dagokion Jarduera Ekonomikoen gaineko Zergan alta emanda egotea.
ñ) Zerbitzua behar bezala emateko beharrezkoak diren langileak jartzea.
o) Tabernaren barruan joko-makinak jartzeko, aurrez Udalaren oniritzia jaso beharko du eta Udalak, hala iritziz gero, baimena ukatu egin ahal izango du, arrazoituta.
p) Udalak eskatutakoan, Plegu honetan jasotako betebeharrak betetzen dituela egiaztatzen duten agiriak aurkeztu beharko ditu.
q) Betebehar fiskaletan, Gizarte Segurantzakoetan eta lanekoetan egunean egotea.
r) Jende aurreko pertsonalak zerbitzuak euskaraz emateko gaitasuna izan beharko du. Aurkeztutakoen artean inork baldintza hau beteko ez balu, adjudikazio-hartzaileak Udaleko Euskara Zerbitzuarekin adostutako euskara-plana bete beharko luke.
6.- Tabernaren eta Kiroldegiaren ordutegia
Taberna zabaldu eta ixteko ordutegiak era honetako establezimendu publikoen ordutegia arautzen duten arauetan jasotako artikuluak beteko ditu eta kiroldegiaren ordutegiarekin gutxienez bat etorri beharko du.
Orokorrean, ondorengo hau izango da kiroldegiaren ordutegia, irailaren 1etik uztailaren 31ra bitartean:
- Astelehenetik ostiralera: Goizeko 9:30etik ? 12:30era eta arratsaldeko 15:00tatik 23:00ra.
- Larunbat, igande eta jai egunetan: Goizeko 9:00etatik 14:30era eta arratsaldeko 15:30tik 21:30era.
Abuztuan taberna zabaltzeko aukera izango du adjudikazio hartzaileak, kirol instalazioen erabilera garai horretan Kirol Zerbitzuen esanetara egongo delarik.
Zerbitzuaren beharrak direla eta kiroldegia aurreikusitako ordutegia baino lehen zabaldu edo itxi beharra balego, adjudikazio-hartzaileak polikiroldegia zabaldu eta ixteko betebeharra izango du, aurrez Udalarekin harremanetan jarrita. Edozein kasutan ere, adjudikazio-hartzaileak, urtero, azaroa amaitu baino lehen, hurrengo urteko egutegi-proposamena aurkeztu beharko dio Udalari honek aztertu, beharrezkoak ikusiko lituzkeen ekarpen eta aldaketak egin eta oniritzia eman diezaion. Horregatik, Udalak hala erabakiz gero, kiroldegiaren ordutegia eta egutegia aldatu daiteke beharrak arrazoitu ondoren.
Lehiaketan parte hartzeko proposamenak Bergarako Udaletxeko Erregistro Orokorrean aurkeztuko dira, iragarkia Gipuzkoako Aldizkari Ofizialean argitaratzen den biharamunetik kontatzen hasita 8 egun naturaleko epean, goizez, 9.00etatik 13.00era bitartean.
Lizitatzaileek gutunazal itxi batean aurkeztuko dituzte proposamenak, ondorengo idatzi honekin: "Labegaraieta Udal Polikiroldegiko udal instalazioei erantsitako tabernaren zerbitzuaren ustiapenerako eta Labegaraietako Udal Polikiroldegiaren kontrolerako lehiaketan parte hartzeko proposamenak". gutunazal horren barruan A eta B gutunazalak sartuko dira.
"B" gutunazalean proposamen ekonomikoa sartuko da, ondorengo ereduari jarraituz:
"Izen abizenak: ______________________________________________________________
Bizilekua : __________________________________________________________________
N.A.N. zk.a:_________________________________________________________________
Noren ordezkaritzan: _________________________________________________________
Bergarako Udalak "Labegaraieta" Udal Polikiroldegiari erantsitako tabernaren ustiapena eta polikiroldegiaren eta inguruko instalazioen kontrola egiteko deitu duen lehiaketaren baldintzen berri izanda, horiek betetzeko konpromisoa hartzen duela, baldintza juridiko eta ekonomiko-administratiboak eta adjudikazio erabakiaren ondorioz sortzen diren gainerakoak betez, eta ezargarri zaion legezko araudia ere betez. Hala balegokio, honekin batera doan agirian adierazitako Pleguko baldintzekiko hobekuntzak proposatuz eta urteko....................eurotan (BEZ barne).
Bergaran, 2008ko................
Sinadura
- Eskaintza ekonomikoarekin batera ondorengo dokumentuak aurkeztuko ditu:
- Zerbitzuaren gestiorako proiektua.
- Eskaini beharreko zerbitzuarekin erlazionatuta eskatzaileak egin dituen lanen memoria, behar bezala egiaztatuta.
"A" gutunazalean, "kontratatzeko gaitasuna eta solbentzia" izenburupean, ondorengo hauek sartuko dira:
a) Nortasuna egiaztatzeko eskuduntza eta agiriak, behar bezala askietsiak.
Nortasun juridikoa ondoren zehazten den eran egiaztatuko da:
- Enpresa pertsona juridikoa izanez gero, Merkataritza Erregistroan inskribatutako eraketa edo aldaketaren eskritura eta Identifikazio Fiskaleko zenbakia aurkeztuz.
- Norbanakoa aurkezten bada, NANa aurkeztuz.
- Inoren izenean aurkeztu edota proposamena sinatzen dutenek, horretarako eskuduntza dutela adierazten duen ahalorde notariala aurkeztu beharko dute. Enpresa pertsona juridikoa izanez gero, eskuduntzak Merkataritza Erregistroan inskribaturik agertu beharko du.
- Eskaintza-egileak Administrazio Publikoen Kontratuen Legearen Testu Bateratuko 20. artikuluak jasotako debeku kasuetan ez dagoela adierazten duen bere erantzukizunpeko aitorpena, administrazioko agintari, notario publiko edo baimendutako erakunde profesional baten aurrean egina.
- Udal Diruzaintzan behin-behineko fidantza jarri dela egiaztatzen duen agiria.
- Betebehar fiskaletan eta Gizarte Segurantzakoetan egunean dagoela adierazten duen zinpeko aitorpena.
Lehiatzaile bakoitzak proposamen bakar bat aurkeztu ahal izango du eta norbaitek bat baino gehiago aurkeztuko balu, denak atzera botako dira.
Proposamenak irekitzeko ekitaldia, horiek aurkezteko epea amaitu eta hurrengo lanegunean egingo da, eguerdiko 12:30ean.
Lehendabizi, epe eta forma egokian jasotako dokumentazioa (A gutunazala) kalifikatuko du mahaiak.
Akats materialak aurkituz gero, hiru egun naturaleko epea eman ahal izango du mahaiak, lizitatzaileak akatsa zuzen dezan.
Aurkeztutako proposamenak (B gutunazala) ekintza publikoan irekiko dira, lizitatzaile guztien A gutunazaleko dokumentazioa kalifikatu ondoren, aurreko paragrafoan aipatutako akatsak zuzentzeko epea ematen denean izan ezik. Kasu horretan, proposamenak aurkezteko jarritako epea amaitu eta 2 lanegunetara irekiko dira, eguerdiko 12.30ean.
Proposamenak ireki eta behar diren txosten teknikoak eskatu ondoren, hala balegokio, Kontratazio Mahaiak kontratuaren adjudikazio proposamena egingo dio Alkateari edo berak delegatu diolako eskumena duen organoari.
Udalak aukera izango du, derrigorrez balio ekonomikoari begiratu barik, abantaila gehien eskaintzen duen proposamenari kontratua adjudikatzeko, nahiz lizitazioa hutsik uzteko.
Lehiaketa adjudikatzeko oinarri gisa erabiliko diren irizpideak eta emango zaien puntuazioa ondorengo hau izango da:
1.- Enpresari moduan tabernaren eta instalakuntza kontroleko gestioan esperientzia izatea, guztira 40 puntura arte: 1'25 puntu/hilabeteko.
2.- Aurkeztutako gestio-proiektuaren kalitatea, guztira 20 puntura arte.
3.- Eskainitako prezioa, guztira 15 puntura arte, lizitazio prezioa gutxitzen duen 120 euro bakoitzeko 1 puntu edo zati proportzionala.
10.-Behin betirako bermea eta kontratua
Kontratua formalizatu aurretik, adjudikazio-hartzaileak 1.000 euroko behin betiko fidantza ezarri beharko du, kontratuko betebeharrak ez betetzeaz erantzuteko.
Era berean, ziurtagiri positiboen bitartez egiaztatu beharko du betebehar Fiskal eta Gizarte Segurantzakoetan egunean dagoela eta asegurua kontratatu duela.
Behin betirako adjudikazioa jakinarazi eta gehienez ere bost eguneko epean, eta ezarritako baldintza guztiak bete ondoren, emakidaren agiria formalizatu egingo da.
Kontratuaren arrisku eta gorabeheren erantzukizuna adjudikazio-hartzailearena izango da eta ez du izango zerbitzuan gertatutako galera, matxura edo kalteengatik kalte-ordainak jasotzeko eskubiderik.
12.-Baldintza laboral eta sozialak
Zerbitzuaren adjudikazio-hartzaileak bere betebeharrak betetzeko beharrezko diren langileak kontratu beharko ditu. Langileria horren arduradun bakarra adjudikazio-hartzailea izango da. Hori dela eta, adjudikazio-hartzaileak nagusiaren eskubide eta betebehar guztiak izango ditu eta lan-arloan, Gizarte Segurantzan eta laneko segurtasun eta higiene arloan indarrean dauden xedapen guztiak bete beharko ditu bere menpeko langileriarekin.
Lanak egiten ari direla langileei istripu edo bestelako edozein kalte gertatuz gero, adjudikazio-hartzaileak indarrean dauden arauetan ezarritakoa beteko du bere erantzukizunpean eta Bergarako Udalak ez du inolako erantzukizunik izango.
Betebehar horiek betetzen direla egiaztatzea eskatu ahal izango du Bergarako Udalak edozein unetan eta egokien irizten dion eran.
Kontratua amaitzean Udalak ez du adjudikazio-hartzaileak kontratatu edo haren zerbitzuan izan den inolako langileren erantzukizunik hartuko.
Ez-betetzeak arin, larri edo oso larri kontsideratuko dira.
Ez-betetze arinak:
- Plegu honetan jasotako arau orokor eta zehatzak ez-betetzea, ez- betetze larri edo oso larritzat jotzen ez direnean.
Ez-betetze larriak:
- Kontratuaren xede den zerbitzua emateko moduari dagokionez, Kirol Zerbitzuak eman edo Plegu honetan ezarritako aginduak behin eta berriz bete gabe uztea. Bi hilabetean zehar birritan edo urtebetean 4 aldiz errepikatzea hartuko da errepikapentzat.
- Osasun arloko aginduei jaramonik ez egitea edo publikoarentzat osasungaitz, arriskutsu edo gogaikarri diren egoerak ekiditeko Alkatetzatik emandako aginduak ez betetzea.
- Kontratistarentzat gasturik sortu gabe zerbitzuaren detaileen inguruan aldaketak egiteko Udalak hartutako erabakiak ez betetzea.
- Ezarritako ordutegia ez betetzea, Eusko Jaurlaritzak onartutako establezimendu publikoen arauei buruzko arautegiaren araberako zigorrez gain.
- Antzemandako akatsak zuzentzeko Udalak emandako aginduak bete gabe uztea.
- Ez-betetze arinak errepikatzea, hau da, gutxienez, bi ez betetze arin egitea.
Ez-betetze oso larriak.
- Zerbitzua eskaintzerakoan akats edo irregulartasun nabarmenak izatea, Pleguan, kontratuan edo Udalak emandako aginduetan ezarritako baldintzetan ez-betetze larri edo arina ez denean.
- 6 hilabeteko epean ez-betetze larri bat baino gehiago egitea.
Ez-betetzeak ondoren jasotzen diren isunekin penalizatuko dira:
- Ez-betetze arinak: 60 eurotik- 125eurotara.
- Ez-betetze larriak: 126 eurotatik 300eurotara.
- Ez-betetze oso larriak: 301 eurotatik 450eurotara.
Edozein kasutan ere, kontraesaneko espediente bidez ezarriko dira penalizazioak eta enpresa adjudikazio-hartzaileak behar den entzunaldia izango du. Xxx
15.-Kontratua eteteko arrazoiak
Ondorengo hauek izango dira kontratua eteteko arrazoiak:
- Udalaren berariazko baimenik gabe zerbitzuak erabat edo zati batean hirugarrenei zeditzea.
- Dokumentazio faltsua aurkeztea.
- Betebehar laboralak, tributarioak eta Gizarte Segurantzakoak ez betetzea.
- Ekainaren 16ko 2/2000 Errege Dekretu Legegilearen bitartez onartutako Administrazio Publikoen Kontratuen Legearen Testu Bateratuan jasotakoak.
Kontratua adjudikazio-hartzaileari atxiki dakiokeen arrazoiren batengatik eteten bada, ezarritako behin betiko fidantza galduko du.
Interes publikoko gorabeherak tarteko direla, epea amaitu baino lehen, edozein momentutan emakida eraginik gabe uzteko gaitasuna izango du Udalak.
Halaber, berari dagokio kontratua interpretatzea, kontratuan sor daitezkeen zalantzak argitzea eta herri-onurako arrazoiengatik kontratua aldatzea.
Horretarako hartutako erabakiek amaiera emango diote bide administratiboari eta hartzen diren unetik betebeharrekoak izango dira.
Obrak direla eta instalazioak itxiko balira, edo adjudikazio-hartzailearen interesetan eragina izan dezaketen bestelako zerbait gertatuz gero, egoki jotzen dituen konpentsazio-bideak erabaki ahal izango ditu Udalak.
Kontratu honek izaera administratiboa dauka, eta plegu honetan ezarritakoak arautuko du eta bertan xedatzen ez den guztirako, ondoko arautegien arabera arautuko da:
- Toki Jardunbideko Oinarrien 7/1985 Legea, apirilaren 2koa; 781/1986 Legegintzako Errege Dekretua, apirilaren 18koa, Toki Jardunbidean indarrean dauden xedapenen Testu Bateratua onartu zuena.
- Administrazio Publikoen kontratuen Legearen Testu Bateratua, ekainaren 16ko 2/2000 Legegintzako Errege Dekretuaren bitartez onartua.
- Administrazio Publikoaren kontratuen Legeko Erregelamendu Orokorra, urriaren 12ko 1098/2001 Errege Dekretuaren bitartez onartua.
- Eta besterik ezean, zuzenbide administratiboko bestelako arauak, eta halakorik ezean, zuzenbide pribatukoak.
Baldintza Plegu honen kontra, egoki diren erreklamazioak aurkeztu ahal izango dira, Gipuzkoako Aldizkari Ofizialean iragarkia argitaratu eta zortzi eguneko epean.