Martxoak 26ko osoko bilkuran hartutako erabaki garrantzitsuenen laburpena

Bergarako Urteaga kaleko A-16B eremua berriaren hirigintza garapenerako "Madura Etxegintzak S.L." enpresarekin adostutako hitzarmena behin betiko onartzea.

-Etxebizitzetarako hiri-lurzoruan finkaturiko esparruetan kokatutako lokalen erabilpena, tertziariotik etxebizitzara aldatzeko ordenantzaren aldaketari hasierako onarpena eman eta jendaurrean jartzea.

Kiroldegiko umeen jolas-parkeko joko berrien 5.319,95 euroko aurrekontuaren onartzea.
Errege Seminarioko Auditorium-aren akustikaren azterlan teknikoa eta egokitzapenaren idazketa 6.266,53 eurotan adjudikatzea.
Errege Seminarioko Auditorium-eko lur mugimenduaren eta zimentazioaren azterlan geoteknikoaren idazketa kontratatzeko baldintza administratiboen plegua onartzea. Lizitazio oinarria 29.800 eurokoa da.
Tele-laguntza zerbitzua ematea Gipuzkoako Foru Aldundiaren esku uzteko hitzarmenaren onartu eta zerbitzuaren udal erregelamenduari hasierako onarpena ematea.
36-2 exekuzio unitateko xehetasun azterlanari behin betiko onarpena ematea.
Sprilur-ek Larramendin gune industrial bat garatzeko sinatuko litzatekeen hirigintza hitzarmena jendaurrean jartzea.