Urtarrilaren 20ko osoko bilkuran hartutako erabaki garrantzitsuenak
1. Elosu auzoan 11.674,73 m2 erostea.
2. San Martzial inguruneko interpretazio panelen diseinua egiteko lanak 4.176 eurotan adjudikatzea.
3. San Juan auzoko Larramendi eremuan garapen industrialerako udal planeamenduko Arau Subsidiarioen aldaketari behin-behineko onarpena ematea.
4. Agorrosin inguruan Udalak duen lursailetik igerilekuen eremu berdea osatzeko zatia banatu eta desafektatzeko espedienteari hasiera ematea onartzea.
5. Mankomunitatea Garraioaren Lurralde Agintaritza S.A.-n sartzeko Mankomunitateko Gobernu Juntak egindako proposamena onartzea.
6. Bergarako Udaleko Hezkuntza Zerbitzuak kudeatutako programen konturako zenbait dirulaguntza arautzen dituen araudiari hasierako onarpena eman eta jendaurrean jartzea.
7. Debagoieneko Tranbiaren trazaduraren 1. fasea (Bergara-Aretxabaleta tartea) egiteko proiektu aldatuari alegazioak aurkeztea.
8. Udalerriko irisgarritasun plana aldatu eta eguneratzeko dokumentu gehigarriaren idazketa kontratatzeko baldintza administratiboen plegua onartzea 28.072 euroko lizitazio oinarriarekin.
9. Bergarako Urteaga kaleko A-16 B eremu berriaren hirigintza garapenerako hitzarmenari hasierako onarpena eman eta jendaurrean jartzea.
10. Pasa den abenduaren 30ean izandako atentatuaren kontra Euskadiko Udalen Elkarteak onartutako testua Bergarako Udalak onartzea.
11. "Euskal Erakundeen Alde" ekimenarekin bat egiteko adierazpena onartzea. Onartutako testuan Lehendakariari buruzko adierazpena beste auziperatuei zabaltzen zaie.
12. UNEDeko Fundazioak egindako erabilera-zesioa (Errege Seminarioko zati batena) onartzea.
13. Iņaki de Juana euskal presoari buruz aurkeztutako mozio alternatiboa onartzea.