Uztailak 12ko osoko bilkuran hartutako erabaki garrantzitsuenen laburpena
- Udalbatzak osoko bilkurak hilean behin hileko azken astelehenean egitea.
- Ondorengo batzorde informatzaileak sortzea:
1) Hazienda batzordea.
2) Gobernazio eta Zerbitzuen batzordea.
3) Obra eta Hirigintza batzordea
4) Ingurumen batzordea.
5) Osasun, Enplegu eta Gizarte Gaien batzordea
6) Baserri auzoen batzordea.
7) Kultura batzordea.
Azpibatzordeak:
7.a. Jarduera, Kultur Talde, Gazteria eta Jaiak.
7.b. Euskara
7.c. Hezkuntza.
7.d. Turismo, Ondare Historiko Artistiko eta Informatika
7.e. Kirola.
- Osoko Bilkuraren konpetentziakoak diren organo kolegiatuetarako Udalbatzaren ordezkariak izendatzea ( Debagoineko Udal Elkartea, Ur Kontsortzioa, ...)
- Zinegotzi ez direnak udal talde politikoen ordezkaritzan batzorde informatzaile bileretan parte hartu ahal izatea.
- Bergarako Udaleko bi udalkide (zehazki Agurne Barruso Alkatea, eta Enara Minguez zinegotzia) liberatzea.
- Udalaren akonfesionaltasuna aitortzea eta Udalak, Udal bezala, ez parte hartzea aurrerantzean urtean zehar egiten diren elizkizunetan (San Pedro, Santa Marina egunetako elizkizunak,...) eta festa edo jaietako programetatik ekitaldi horiek kentzea.
- Hasierako onarpena duen Plan Orokorra erakusgai dagoen epea luzatzea 2007ko urriaren 8ra arte eta lizentziak suspentsoan geratzen diren hirigintza-eremuak argitzea.
- Larramendi industria eremuko Plan Partzialari behin betiko onarpena ematea.
- Bergarako Udalaren jabetzakoa den A.18 Algodonera San Antonio areako 585 m2ko ondare-partzela Construcciones Amenabar S.A. enpresari 961.620 eurotan (BEZ kanpo) saltzea.
- Irizar Jauregiko lorategia monumentu izendapenaz, Euskal Kultura Ondarearen Zerrenda Orokorrean sartzeko espedienteari hasiera emateko, eta jendaurrean jarri eta interesdunei entzuteko Eusko Jaurlaritzako Kultura, Gazteria eta Kirol Sailburuordeak emandako ebazpenari alegazioa egitea.