• Antolaketa politikoa
• Antolaketa zerbitzuka
• Azpiegiturak
• Proiektuak
• Gai fiskalak
  • Zerga ordainketa on-line
• 2008ko aurrekontu bateratua
• Kontratatzailearen profila
• Deialdiak
• Argitalpenak

Ondasun higiezinen gaineko zerga

I. XEDAPEN OROKORRAK

1. artikulua

Udal honek Ondasun Higiezinen gaineko Zergari buruzko Uztailaren 5eko 12/1989 Foru Arauko 14.3 artikuluak ematen dion zilegidura erabiliz, ondorengo artikuluan ezarritako terminoetan finkatzen du zerga honen tipoa.

II. GRABAMEN TASA

2. artikulua

Hiri ondasunei aplikagarri zaien Ondasun Higiezinen gaineko Zergaren tipoa ERASKINEAN adierazten den ehuneko hainbestean geratu da finkatua.

Landa ondasunei aplikagarri zaien Ondasun Higiezinen gaineko Zergaren tipoa eranskinean adierazten den ehuneko hainbestean geratu da finkatua.

III. OINARRI EZARGARRIA ETA KUOTAK

3. artikulua

Hiri ondasunei aplikatutako Ondasun Higiezinen gaineko Zergaren oinarri ezargarria, ondasun horien balio katastrala izango da.

Landa ondasunei aplikatutako Ondasun Higiezinen gaineko Zergaren oinarri ezargarria, ondasun horien balio katastrala izango da.

Zerga honen zehaztapena aurreko ataletan adierazitako oinarri zergagarriei Ordenantza honetako 2.artikuluan bakoitzari dagokion tipoak aplikatuz lortuko da.

IV. KUDEAKETA ARAUAK

4. artikulua

1. Zerga honen kudeaketa, likidazio, bilketa eta ikuskapena Gipuzkoako Foru Diputazioaren gain eskuorde daiteke, Udal Batzarrak erabakitako terminoetan, edukian eta eremuan, horretarako hitzarmen egokia izenpetuz.

2. Hartuko den udal erabakia GAOn argitaratuko da.

V. AMAIERAKO XEDAPENA

Transkribatutako Ordenantza Fiskala eta Ordenantzaren zati osagarri den Eranskinean dauden karga tasak, Udal Batzarrak 2002ko urriaren 23an egindako batzarraldian onartu ziren eta indarrean 2003ko urtarrilaren 1ean sartuko dira, aldatu edo derogatzea erabakitzen ez den bitartean aplikatuko direlarik.

ERASKINA

Batzarraldiaren data: 2002ko urriaren 23a.

Hiri Ondasun Higiezinen gaineko Zergaren kuotak zehazteko tipoak bi izango dira:

1.- Balorazio ponentzien arabera, industria edo zerbitzu erabilerako lurzoruan dauden ondasunentzat: %0,3059.

2.- Balorazio ponentzien arabera, gainerako ondasun hiritarrentzat: %0,1631.

Landa Ondasun Higiezinen gaineko Zergaren kuotak zehazteko tipoa (karga-tasa) %0,9301 izango da.

Hobariei dagokienez, 12/89 Foru Arauko 4.art.C atalak xedatzen duen 15 urtetako salbuespena, landaketa egiten den urtetik zenbatzen hasten da, hots, landaketek bere lehen 15 urtetan izango dute hobari hau.

Babes ofizialeko etxebizitzek %50eko hobaria izango dute zergaren kuotan, behin-betiko kalifikazioa jaso eta hiru urteko epean.

1994ko urtarrilaren 1etik aurrera zergatik salbuetsiko dira hezkuntza itunen erregimenera bildutako ikastetxe pribatuak, guztiz edo partzialki kontzertatutako ikastetxe izaera gordetzen duten bitartean.

Azken bi hobari fiskalek mesedezko izaera izango dute eta, hala badagozkio, doakionak eskatuta emango dira.

5/95 Arau Foralaren 21.artikuluaren arabera, Fundazio eta Erabilgarritasun Publikoko Elkarteak salbuetsiak egongo dira.

13/1996 Foru Arauaren arabera Foru Aldundiak egitasmo estrategiko bezala izendatutako proiektuek %95eko hobaria izango dute.