• Antolaketa politikoa
• Antolaketa zerbitzuka
• Azpiegiturak
• Proiektuak
• Gai fiskalak
  • Zerga ordainketa on-line
• 2008ko aurrekontu bateratua
• Kontratatzailearen profila
• Deialdiak
• Argitalpenak

Ondasun higiezinen gaineko zerga

Ondasun higiezinen gaineko zergaren kuotak finkatzeko funtsezko elementuak erregulatzen dituen ordenantza fiskala

I. XEDAPEN OROKORRAK

1.Artikulua

Udal honek Ondasun Higiezinen gaineko Zergari buruzko Uztailaren 5eko 12/1989 Foru Arauko 14.3 artikuluak ematen dion zilegidura erabiliz, ondorengo artikuluan ezarritako terminoetan finkatzen du zerga honen tipoa.

II. GRABAMEN TASA

2.Artikulua

Hiri ondasunei aplikagarri zaien Ondasun Higiezinen gaineko Zergaren tipoa ERASKINEAN adierazten den ehuneko hainbestean geratu da finkatua.

Landa ondasunei aplikagarri zaien Ondasun Higiezinen gaineko Zergaren tipoa ERASKINEAN adierazten den ehuneko hainbestean geratu da finkatua.

III. OINARRI EZARGARRIA ETA KUOTAK

3.Artikulua

Hiri ondasunei aplikatutako Ondasun Higiezinen gaineko Zergaren oinarri ezargarria, ondasun horien balio katastrala izango da.

Landa ondasunei aplikatutako Ondasun Higiezinen gaineko Zergaren oinarri ezargarria, ondasun horien balio katastrala izango da.

Zerga honen zehaztapena aurreko ataletan adierazitako oinarri zergagarriei Ordenantza honetako 2.artikuluan bakoitzari dagokion tipoak aplikatuz lortuko da.

IV. KUDEAKETA ARAUAK

4.Artikulua

1. Zerga honen kudeaketa, likidazio, bilketa eta ikuskapena Gipuzkoako Foru Diputazioaren gain eskuorde daiteke, Udal Batzarrak erabakitako terminoetan, edukian eta eremuan, horretarako hitzarmen egokia izenpetuz.

2. Hartuko den udal erabakia GAOn argitaratuko da

V. AMAIERAKO XEDAPENA

Transkribatutako Ordenantza Fiskala eta Ordenantzaren zati osagarri den Eranskinean dauden karga tasak, Udalbatza Osoak 2007ko abenduaren 17an egindako batzarraldian onartu ziren eta indarrean 2008ko urtarrilaren 1ean sartuko dira, aldatu edo derogatzea erabakitzen ez den bitartean aplikatuko direlarik.

ERANSKINA

Hiri Ondasun Higiezinen gaineko Zergaren kuotak zehazteko tipoak bi izango dira:

1. Balorazio ponentzien arabera, industria edo zerbitzu erabilerako lurzoruan dauden ondasunentzat: %0,3644

2. Balorazio ponentzien arabera, gainerako ondasun hiritarrentzat: %0,1793

Landa Ondasun Higiezinen gaineko Zergaren kuotak zehazteko tipoa (karga-tasa) %1,0152 izango da.

Ematen diren salbuespen eta hobariek eskaera egin ondorengo zergalditik aurrera izango dute eragina.

HOBARIAK ETA SALBUESPENAK

a) Kuota osoaren %50eko hobaria obra berriko ondasun higiezinetan edo harekin parekatzen diren eraberritzeetan, beti ere interesatuek obrei ekin aurretik hala eskatzen badute. Ondasun higiezin horiek urbanizazio, eraikuntza eta sustapen inmobiliarioko enpresen jardueraren xede behar dute izan eta beren ibilgetuaren barruan ez egon.

b) Kuota osoaren %50eko hobaria 3 seme-alaba izanda, %70ekoa 4 seme-alabekin eta %90ekoa bost edo gehiagorekin, subjektu pasiboak familia ugarien titularrak direnean. Beste kategoria guztietako familia ugariek ere %50eko hobaria izango dute.

Hobaria urtero berriztatuko da eta erreziboa ordaindu eta familia ugari izaera justifikatu ondoren dagokion hobariaren kopurua itzuli egingo da. Hobaria familia ugari bakoitzeko ondasun batek soilik izango du eta ondasun horretan erroldatuta egon beharko dute familia ugari horretako kide guztiak.

Halaber, familia ugariak jabetzan duen etxebizitzak bizi-baldintzak betetzen ez dituenean (txikiegia delako) eta, arrazoi horregatik, beste bat alokairuan hartzera derrigortuta egonez gero, jabetzan duten etxean erroldatuta egotea ez da eskatuko, baina bai alokatuta duten etxean familia osoa erroldatuta egotea. Horretarako, alokairuaren kontratua aurkeztu beharko da.

Hobariaren mugak:

• Balio katastrala 150.000 euro baino handiagoa bada, hobaria aplikatuko da, baina gehienez ere balio horri buruz.
• Hobari eskaera, eskatzen den urtearen barruan egin beharko da, hots, 2004ko hobaria 2004an eskatu dutenei emango zaie eta eskaerak ez du atzera eraginik izango.
• Hobaria izateko baldintzak zergaren sortzapen unean bete beharko dira.

c) Babes ofizialeko etxebizitzek hobaririk EZ izatea.

d) 12/89 Foru Arauko 4.art.C atalak xedatzen duen 15 urtetako salbuespena, landaketa egiten den urtetik zenbatzen hasten da, hots, landaketek bere lehen 15 urtetan izango dute hobari hau.

e) 1994ko urtarrilaren 1etik aurrera zergatik salbuetsiko dira hezkuntza itunen erregimenera bildutako ikastetxe pribatuak, guztiz edo partzialki kontzertatutako ikastetxe izaera gordetzen duten bitartean.

f) 13/1996 Foru Arauaren arabera Foru Aldundiak egitasmo estrategiko bezala izendatutako proiektuek %95eko hobaria izango dute.

g) 5/95 Arau Foralaren 21.artikuluaren arabera, Fundazio eta Erabilgarritasun Publikoko Elkarteak salbuetsiak egongo dira.

h) Zergaren kuota osoaren %50eko hobaria, Eusko Jaurlaritzaren 2002ko abenduaren 30eko 316/2002 Dekretu bidez etxebizitza hutsei buruz onartutako Bizigune programaren barruan erabilera? lagapena duten ondasun higiezinei dagokienez. Etxebizitza horren balio katastrala 150.000 euro baino handiagoa bada, hobaria aplikatu da, baina gehienez ere balio horri buruz.

Hobari fiskalek mesedezko izaera izango dute eta, hala badagozkio, doakionak eskatuta emango dira. Hobari desberdinak ez dira akumulatuko eta beti hobari altuena aplikatuko da.